漢堡扒

這是我第一個寫的食譜！我所寫的食譜多多少少有一點故事性同自已的睇法，點都好卜是自已的，我也不需要向其他人解釋那麼多吧！我有我自已喜愛的方法呢！哈哈...本來想寫麻婆豆腐作頭炮的！但係今日既晚餐係漢堡扒，所以先寫漢堡扒吧！一個好食既漢堡扒隨時可以好食過一個牛扒的！牛扒要好食有好大部份係睇肉本身既質數，牛扒的做法與技巧我以後會再開 thead 黎講，但係漢堡扒唔同，香料與洋蔥的香味以碎肉混和所做出黎的肉汁與及只要以手法便可變更口感...wow... 總之有機會一定要試！

先致聲明食譜同技巧都係不定時修改同增加的！依個食譜係我有一日發左神經甘想食漢堡肉而經過 research 同實際行動所做出黎！最好你睇完全個食譜再買材料！因為有 D 野係睇下你有幾懶而可有可無的！又因為我多數都唔會量份量的，所以只可以大約講下份量的多少！唔好見怪！

材料:
碎牛肉
碎豬肉 (如果無，可以唔加當然最好有！)
蒜蓉(最好當然係自已整碎既蒜蓉啦！)
洋蔥
雞蛋

調味料:
鹽、糖、雞粉、醋、黑胡椒粉、白胡椒粉、肉桂粉、麵粉(無的話都可以用生粉)、油

可有可無的材料: (從最沒影響至最大影響，不在此列的便是最基本的材料):
雞蛋 - 老實講....依樣係可有可無，落左係會口感滑 d，但係....只係差好少
醋 - 解釋請看 Tips
碎豬肉 - 如果無，可以唔加，但係加左的話肉汁就更好！份量比例係三份牛肉一份豬肉

Tips: (會重新修定在技巧頁內)
肉桂粉 - 一定要的！一個好既漢堡扒一定係唔可以無肉桂！...英文係 Cinnamon Power or Ground Cinnamon, 響大 D 既超市九成半有售。
雞粉 - 好少就夠大約 300 gram 的肉用唔夠一茶匙(如果係用雞粉鑵內所附送的調味匙，那便只需要半匙以下便夠)...通常我係會用雞粉來作菜的，不要跟我說那是味精！沒錯，那的而且確是味精，但是用來釣味那是必須的，這裡是懶人廚房，我是不會有高湯 or 二湯在家的！只要用得好，味精是可以的！
醋 - 醃肉時加很少份量的，肉汁的鮮味會有所提升！其實同雞粉作為釣味的調味一樣，所以只須好少就夠，因為唔係真係想食到酸味。

做法: (你沒有 or 不打算下的東西就 skip 了它)
1, 張碎牛肉、碎豬肉、蒜蓉、鹽、糖、雞粉、醋、黑胡椒粉、白胡椒粉和肉桂粉用筷子至你發覺它越來越有張力為止...張力越高越好...唔夠張力的話煎時就好易會散。黑胡椒粉同肉桂粉可以加多 D... 份量大約係你加到肉桂粉的香味大過蒜蓉的香味...而肉桂粉加了多少黑胡椒粉便加多少..
2, 加上麵粉，和一點點的水花混和...
3, 把洋蔥切成碎蓉

<懶人做法:>
4, 把生的洋蔥蓉加進肉團加油，再混和
<真正做法:>
4, 燒熱鑊，加油，把洋蔥蓉炒至淡啡黃色加進肉團，再混和

5, 在桌上把保鮮紙放平，在保鮮紙上加上用團。以保鮮紙包起肉團再以手來做出自已喜愛的漢堡扒造型...但厚度不要超過 2 cm...如果唔係...火候好難控制....當然你想玩高難度的話，你可以的！因為漢堡扒係越厚越好食的，但係越厚的話要弄熟他便越難。
6, 燒熱鑊，加油，下鑊改成中火煎至熟透... 煎時最好不要胡亂去反轉他...每邊最少煎 1 min 才反轉(意思是...當放下去時還是生肉來的，向火的那一面最少要一分鐘才反轉煎另外一面，而另外一面亦最少要煎上 45 sec 才再可反轉....時間其實好難去講依個步驟，但是最重要的是要一面的外皮全熟先再反轉另外一邊，當兩邊的外皮看似全熟後你可以怎樣反也可，但是剛下鑊的一定要一面的外皮要全熟了才轉另外一面！原因係肉汁封鎖)...

菜譜後記:
嘩！終於寫完，頂！原來要寫一個自已滿意既食譜唔係想象中甘易，中文太耐無用，可能真的會詞不達意。漢堡扒係一個我好鐘意的食譜，亦係我拿手菜之一。...簡單的食物沒有所謂原創...但係這個食譜有我自已的改變與主張。當大家響 internet 找漢堡扒食譜，一定會很多！但係有幾多會在乎於肉桂粉呢？多使 20 to 30 HKD 去買一瓶很久也用不完的肉桂粉吧！漢堡扒有了它才叫好...這是沒話說的....試了你才會相信。